الدنيــا تغيرت...ولا احنا!؟

من فترة سمعت بالراديو برنامج يحكي عن العلاقات الأسرية وكثير من الاتصالات جاءت لتوضح مدى علاقتها مع أسرتها وكثير قالوا "أنا ما أعرف أعمامي ولا خوالي" "أنا ما حكيت مع أهلي لي فترة " " ما أشوفهم إلا بالعيد والمناسبات الرسمية" " ما كلمت خالي من كذا سنه لنا فترة متقاطعين" وعلى هالمنوال "قيس عليه كثييير" ... وطبعا لا أنكر أنه في اتصالات جاءت عكس التيار وقالت "حنا عادتنا نجتمع مع أهلنا كل أربعاء أو كل جمعه علشان الصغير يعرف أهله و أقاربه"وطبعا هذا شيء طيب ومرغوب !
لكن لماذا العلاقات أصبحت هكذا الأخ ما يعرف أخاه والأخت لا تعرف أختها ولا البنت تعرف عمتها أو جدتها و لا يرون بعضهم البعض إلا بالمناسبات أو الأعياد " لا والبعض يكونون مغصوبين على هالزياره ما ودهم" .. "يعني لو نحسبها بالسنة يطلع عدد الزيارات تعد على اليد الوحدة",,, لماذا هذا الحال ؟ لماذا الناس أصبحت هكذا؟ لماذا ؟ هل هو انعدام إحساس؟ أم هي مشاغل الدنيا؟
هل التطور هو من جعلنا بهذا الحال ؟ يعني كما يقال " الدنيا تغيرت " هل فعلاً "الدنيا تغيرت و لا الناس اللي تغيرت"... لما نسأل عن "زمن أول" جداتنا و أجدادنا كيف كانت العلاقة...سنلاحظ الاختلاف الكبير والمعروف والواضح بغض النظر عن بساطة المعيشة و الحال ... سيقولون لكم" كانت أحلى و أحسن كنا نعرف بعض أكثر, كان فعلا الجار للجار, وحنا مع الأهل كانت علاقتنا أقوى...و الخ"
نحن بعصر التكنولوجيا و التطور السريع المفترض أن هذه التكنولوجيا بوسائلها المتعددة تقربنا أكثر ما تبعدنا وتسهل علينا الاتصال بالآخرين لو كانوا بعيدين, لكن أصبح العكس تماما.."زمن أول " يخلو من كل هذه الأشياء لكن العلاقات في السابق أفضل من الآن ! يعني "شي يحزن مرره"
و لو افترضنا وتمت الزيارة ترى أنهم يريدونها تنتهي سريعا أو "لما تسلم ما تلقى منهم هذاك الترحيب و للعلم أنت لم تراهم منذ فتره طويلة " أو القلوب ليست صافيه "الكل شايل على الثاني والابتسامة تطلع بالموت"
"سمعت عن واحده لم تعزم أختها في حفل "ملكة" ابنتها وهي أختها و "تلاقي الأسباب تافهة 
"لكن طبعاً أن " لا أعمم,,,لا زال هناك ما يسر العين والخاطر و لا زال هناك ترابط أسري جميل
"وفي النهاية /// إذا رأيت موقف يعجبني فيه شهامة أو فيه تلاحم أسري " ابتسم وأقول ,,الحمد لله الدنيا مازالت بخير
و دمتم بخير و طيبة و محبة ...~

الحجاب:::كاريكاتير:::

هههههههههههههههههه لووووووووووول !
صراحه صدق منظر موجود بواقعنا بكثرة وبمبالغة كبيرة ...وعلشان كذا حبيت أذكركم بقول الرسول صلى الله عليه وسلم: (ونساء كاسيات عاريات مائلات مميلات رؤوسهن كأسنمة البخت المائلة لا يدخلن الجنة ولا يجدن ريحها وإن ريحها ليوجد من مسيرة كذا وكذا) قد صدق عليه السلام..

يعني الحدييث واضح ما يحتاج ياليت كلنا ننتبه من هالغلط

والقهر اللي يصير الحين تجيكي البنت تمشي بالمول وهي لابسه بنطلون ضيييييييق مررره وبلوزه او تيشرت ضيق برضو ليييييته ساتر وطويل وفضفاض كان يهون وغير كذا حاطه فول ميك أب كنها وحده رايحة( زواج)وتحطلك هالسكارف وتلفه يقال انها متحجبة !يعني
بصراحه أنا أشوف السافره غير المتحجبة كنها أستر يعني أقصد "انها ما تلفت نظري كثر اللي تتحجب بهالطريقة" مو معقووله المبالغاااااات اللي قاعده تصير شوهوا الحجاب بصراحه ..أتمنى الكل يتعظ

و مشكوورين..~!

فضفضة !

مرحبا بلوقرز !

من زمان ما كتبت شي

كيف حالكم ؟

ادعولي بليييز بكره وراي اختبار ( انجليش)..يعني وراي مذاكره !الله يعين ان شاء الله

========

بس بصراحه ودي اقولكم شي ببالي قد تناقشت فيه مع صديقاتي وعلى ما أعتقد تكلموا فيه التلفزيون وكل وسائل الاعلام ..ألا وهو :

هل تسألين الزوج أو بالاحرى ( الخطيب) عن ماضيه ؟! و إذا كان هناك شي هل تسامحينه وتتغاضين عن أخطائه ؟

وهل تتوقعون هذا السؤال يخرب العلاقة اللي بينهم بفتره ( الخطوبة ) او ما بعد الزواج ؟

يمكن فيه بنات بيقولون ( ايوه اسأله ) وفي بنات بيقولون ( لا ما اسأله اصلا دامه ماضي وانتهى ) وفيه بنات بيقولون ( يمكن ! و ما اسامحه الا اذا تاب من هالغلط توبه نصوح ) ,,أنا بقولكم حاجة من زماان تناقشت مع صديقاتي عن هالموضوع وتفاجأت وانصدمت لما وحده منهم قالت بمعنى هالكلام" عادي حتى لو استمر في الغلط بعد الزواج ما يحق لي اسأله أصلا !!!" أتوقع انصدمتوا صح ؟ يمكن في وجهة نظرها انها بتحافظ على بيتها بهالشكل !!مدري كيف تفكر بس برافو عليها انها تقدر تصبر وتسكت !

لكن في أخرى عارضتها تماما وقالت " لازم احذره من بداية زواجنا"لانها تقول في بنات " ازواجهم يغلطون في فترة الخطوبة بعد وهي ولاداريه " ... تتوقعون الحين السؤال يطرح نفسه هذا الشخص: هل بتكفيه فتره الخطوبه انو يغلط ولا راح يستمر الين بعد الزواج ؟ متى ان شاء الله ناوي يتوب .؟ والبنت غافله في عالمها الوردي تجهز نفسها للزواج ولا هي داريه عن شي ..مو حرام !!؟ الله يهديهم بس

ولو عكسنا السؤال وقلنا : هل يا " رجل " اذا عرفت ان في (خطيبتك او زوجتك ) كان لها ماضي وهي خلاص تابت ومثل ماقلنا ماضي فاذا اكتشف بطريقة أو بأخرى انو هي لها ماضي " وانتهى" هل راح تسامح لها خطأها و تتغاضى عنه ؟

PEPSI advertisement

have you seen "PEPSI advertisement" a bout that man who has a list-to-do B4 he reach 30 years old , yesterday I was thinking about that ...
there are many things which persons would do b4 the 30 years old , wouldn't they ?
I would like to do a lot of things 4 myself , OMG, no really I can't imagine that i'm gonna be on that age ! how am I gonna be? how will I look like? ! really I don't imagine myself b4 on that !
in fact, alot of things I think Definitely will change , " allah yea7yena" , but really I want to do a list of what I want to do and gain more and more b4 that age ( I want to fulfill my dreams , travel more , play more , learn more , read more, Experience new things, be what I want and do whatever I want ) , Don't you guys would to do that ?! :D

ســـالــفه " تؤرقـــني"

...هلا بكم

.healthy club "اليوم حابة أقولكم عن سالفة صارت لي ,,من فتره طويله تقريبا من سنة ,,أنا السنة الماضية التحقت في " نادي صحي

و طبعا حتى أعمل رياضة بس علشان اللياقة فقط ! لا يرووح بالكم بعيد ترا أنا مو سمينة خخخخخ , بس زي ما قلت لكم لياقة يعني , و كمان في سبب آخر و هو أنو أنا وقتها قبل اشترك بالنادي,راجعت " دكتور عظام" ومدري ما اذكر السبب الاساسي لروحتي له ! عموما بعد ما كشف علي , قالي " يا أختي انتي عضلاتك ضعيفة ولازم تعملين رياضة " طبعا رجعت و أنا ضايق صدري لان يعني حنا صغار بالعمر و عضلاتنا صعيفة كذا ! أجل اذا " ختيرنا " على قولهم , وش بيصير ؟ لووول

لكني,, من بعد هاليوم جلست أفكر و أفكر و أفكر , إلا تذكرت أنو "ماما" عندها شريط رياضة قديييييم يعني مغبر مرره , بس كان مرررررره كوووول و حركااتهم صعبة , قلت" يلا يا بنت شدي الهمة وتشجعي و روحي سوي " و بديت أسوي زي ماهم يسوون وقررت أني اخليها ( ساعة باليوم ) لكني من بعد كم حركه تعبت مرره خخخخخ بس بعدين قلت" يلا أكمل بكره ما أتحمل خلاااص" و أجيبه يوم ثاني و أسوي و على هالحال و طبعا يمكن ما كملت أسبووع أقل بكثير , أهملت الموضوع وراح الحماس و صرت أقطع ( يعني يوم ايه و يوم لا ) وبالرياضة ما ينفع كذا يروح كل تعبك على الفاضي ! عاد بعد كم(ن) يوم , اجتمعنا أنا و " اخواتي " و " بنات عمي " ومن سالفة لسالفه لين ما وصلنا لهالسالفه و صرنا نتناقش عن موضوع الرياضة و اتفقنا او حنا نشترك بنادي بعد ما نبحث عن " النادي المرغوب به " , قمت أنا استغليتها و جبت " الشريط " وقلت" يلا يا بنات خلونا نسوي و نجرب " ومنها حماس و تشجيع , و تجهزنا و بدينا ... ما مرت فتره بسيطة الا كل وحده تتعب وتطيح لووول , مع العلم " ترا كلنا أجسامنا كويسه بس ناقصتها لياقه خخخ" تعرفون حركتنا مو كثيره بالبيت , وكل شي جاهز لا تنظيف ولا غسيل و لاشي يعني هالايام " شايلات البنات ايديهم من كل شي تقريبا "

الاعتراف بالحق فضيله لول>>>

طيب ,,,أدري مالكم بالطويله المهم أنا رحت و سجلت بـ " نادي " بعد بحث طويل تقريبا نوعا ما , باقي البنات أجلوا الموضوع وبعد فتره التحقوا معي ,,المووهيم الحين انا رحت وعجبني النادي وبديت وانا متحمسه والقرووب اللي معي كانوا" بنات عسولات الله يذكرهم بالخير" و استانسنا مرره مع بعض ,,,وكانت المدربه مرره كيووت اسمها (جوسي) , تعبت بالبدايه تعببببببب مو طبيعي أجي البيت ما اقدر امشي ولا اتحرك عضلات جسمي كلها تألمني (لكن هذا زي ما قالت المدربه شي طبيعي لانك من فتره تكونين مو متحركه ولا عامله رياضه قبل فطبيعي يكون هالشي) ,,بس كان بصراحه في "ناس غثة " أسلوبهم معك بالكلام مو حلوو و تلميحاتهم ونظراتهم ما تعجبك يعني( ما علينا منهم ) كان فيه منهم يقوول " يوووه ياربي انتي تبين لك الشقا ليه جايه " ارد عليهم و أقوول " والله جايه علشان أسوي لياقة " واتركهم وأكمل , تجيك ثانيه وتقوول وهي تلمح لصاحبتها " كلام مااذكره بالضبط "

و يضحكون و مش عارفه ايش! طبعا الناس اللي كذا " مهما تردين عليهم و تجاوبينهم ما يفهمون ولا يقتنعون,,فأنا أقوول اسفههم أحسن و إذا خاطبكم الجاهلون فقولوا سلاما " أوكي مو مشكله استفسري اسألي بس مو بهالطريقه ,,اضطريت بفتره اني أمارس معهم مع أني ما كنت مرتاحه كنت اتغصب الروحه واحمس نفسي لان بجد اللي كان يصير شي يضايق و تقريبا طول فتره اشتراكي بالنادي اللي هي مدتها

" شهر"يسألوني هالسؤال ليه اشتركتي ..و أرجع وارد و أقول (علشان اللياقة والدكتور قالي عضلاتك ضعيفه فلازم تمارسينها),, في ناس لما يسألونك ويكلمونك بطريقة وبأسلوب حلووو فما ابغآآآآ أعمم على الجميع في ناس راقية مرره لما تتكلم ...بعدها خلصت الفتره المطلوبه والحمدلله استفدت كثييير ولله الحمد !

بس اللي أنا ابي اتوصله من كلامي ,,,ليه حنا عندنا بمجتمعنا الرياضة شي على الهامش محد يمارسها ؟

يعني ثقافتنا للرياضه و وجوب ممارستها و تأثيرها على الصحه و فوائدها ؟ شبه منعدمه

يفكرون انو الرياضه فقط فقط فقط( للقضاء على السمنه و التخفيف من الوزن) وش رايكم انتوا ؟

الرياضه و أكيد تعرفون أنو مهمه جدا للصحه و على حد علمي ان تزيل الاكتئاب و تساعد على عدم تسبب هشاشه العظام وضعف العضلات و فيه هورمونات كويسه تظهرها و تكون مفيده للجسم وغيرها الكثير ,,,وهي ليست حكرا ولا حصريا على (اللي عندهم وزن زائد ) حتى (النحاف واللي جسمه وسط )يقدر يمارسها للياقه . للشد .للبودي بلدينغ و على راسها للصحه بشكل عام .

فياليت الكل وهذي رساله لنفسي أولا و لكم جميعا ننظم لنا جدول لممارسة الرياضة (يعني أقلها المشي لو بالبيت ),, و ياما قرينا مقالات كثيره أكيد مرت عليكم عن فوائد الرياضة الجمة والكثيره,,و أتمنى تتغير نظرتنا للرياضه وتتطور ثقافتنا لها و زي مايقولون( الحركه فيها بركه),,انتوا وش رايكم ؟

<قبل لا أنسى على طاري هالموضوع...مره شفت حلقة من برنامج (رايتشل راي)كانت تتحدث فيه عن "الرياضة " قابلت واحد أمريكي

يقول " انو مجتمعنا معدوم الثقافه الرياضيه ولا يمارسها ....الخ " لان السمنة مرتفعه عندهم بشكل كبير فهم قاعدين يحلون المشكله و يتناقشون عليها ...طيب وحنا ؟ ياليت نفهم هالشي ونحاول نعالجه لانه نسبة السمنه عندنا تزداد ( كما قرأت) وأن النساء

يعانين من السمنة أكثر من الرجال !

و في دراسة ثانيه تقوول أنو نسبة السمنه عند الاطفال بالسعوديه تصل إلى 60%صيفا * نقلا عن موقع إسلام أون لاين *> استنى قراءة آرائكم في هذا الموضوع

شكرا

تحيــــآآآآآآتي

! ~ نــــــــــانـــــــا

سي يوو